Śląskie jasełka bożonarodzeniwe - scenariusz spotkania opłatkowego
LEKTOR
Jak Rzymiony rządziły Ziymią Świyntą, to cysorz August nakazoł porachowanie
ludzi. Kożdy mioł się dać porachować w mieście, kerego pochodzioł. Bestoż to
z chałpy w Nazarycie wyszoł Zefek ze swoją babą Maryjką, kero spodziywała się
dziecka. Szli do Bytlyjem, skąd pochodzioł Zefek. Na miyjscu jednak niy znodli
żodnego wolnego placu w gospodzie, ani u kogoś w chałpie. Bestoż Zefek drapko
znod pusto szopa, w keryj legli spać. Praje tyj nocy na Maryjka prziszoł czas
i urodziła synka.
Pasterze śpią przy ognisku.
PASTERZ 1
Śpiom koledzy przy fojerce, oni mają dobre serce. Napaśli się narobili, no i
teroz się uśpili. Ale co się tukej dzieje? Jakoś łuna coś goreje, i muzyka
jakoś słychać. Jo ze strachu niy śmia dychać!!!
A wstoń Michał, antek, Kuba, to już chyba naszo zguba!
Budzi kolegów, pasterzy
PASTERZ 2
Aleś Maciek dopolony. Wrzeszczysz tu jak łoporzony! Ni dosz leżeć ani pospać,
chyba chcesz odymnie dostać?
PASTERZ 3
Dej mu pokój Kubo miły, bo go nerwy opuściły. Wstońmy, pewno coś się stało,
bo mi w łoczach pojaśniało!
PASTERZ 4
Mnie tysz cosik błysło w łoku i niy mogą zrobić kroku. Nogi jakoś zesztywniały
, chodza całkiem łogupiały.
PASTERZ 5
Jo coś słysza, jakeś głosy, co się niosom pod niebiosy. I muzyka słychać w
dali, jakby aniołowie grali.
Wchodzi anioł na melodii kolędy "Wśród nocnej ciszy"
PASTERZ 6
Co tam słychać mój aniele? Godej zaroz, boch ciekawy, jake Cie tu niosom
sprawy?
PASTERZ 4
Godej gipko nom pastyrzom, jako mosz nowina świżo?
PASTERZ 7
Jak co chcymy się dowiedzieć, dejcie aniołowi pedzieć! Choć my biydni i
strudzyni, ale zawsze uniżyni.
ANIOŁ 1
Niesa światu ta nowina, że przyszła na świat Dziecina. W malej stajni we
żłóbeczku, Jezus leży na sianeczku. Matka Boska Go zrodziła, rombkiem szaty
Go okryłą.
ANIOŁ 2
Idzcie witać Maleńkiego, dlo wos dziś narodzonego!
KOLĘDA "DZISIAJ W BETLEJEM"
I. Dzisioj w betlyje, tam pod Betlejym cuda są i dziwy.
Bo prosto z nieba, aby świat zbawić Gość wielgi, tam przibył.
REF. Ponboczek w stajni, idż go przygarnij,
Ci co tak chcieli, tam przibieżeli,
A my zaśpiewomy, piyknie pokrzykomy
I mu coś fajnego domy.
II. Prziszli pastyrze, łotwarli dżwiyrze, zagrali na lirze.
Czamu na sianie leżysz nasz Panie, kaj zogowek z piyrzym?
REF. Ponbóczek w stajni...
PASTERZ 1
Ale co my Jezuskowi domy? Przeca my tu nic niy momy!
PASTERZ 8
Jo Jezuskowi dom moje skrzypki, dodom jeszcze dwie łoscypki.
PASTERZ 2.
Wy się zy mnie tam niy śmiyjcie, jak jo zagrom Mu na flyjcie.
PASTERZ 3
A jak w żłóbku mo mało siana, dom Mu jeszcze skóra z barana.
PASTERZ 1
Jo jest tukej najbiydniejszy, ale chyba najmondrzejszy. Powiym wom coś - doś
już tego godania! Pójdźmy wszyscy do stajynki, do Jezusa i Paniynki!
Pasterze wychodzą z kolędą "Pójdźmy wszyscy do stajenki" za nimi idzie anioł.
..............................................................................................
scena w stajence, słychać kolędę "Cicha noc"
MARYJA
Zimno tu, zimno moja dziecino. Czym jo Cie tukej dziecko łowina? Twardy tyn
żłóbek i placu mało, Słowo Boże ciałem się stało.
JÓZEF
Rozerwia chyba ta jakla na poły i Cie przykryja Jezusie goły. A woł i osioł
niychej dmuchajom, bo się tu w szopie durch łobijajom. A Ty mu matuś cosik
zaśpiwoj, bo mi się zdaje, że Mu się ziewo.
DZIECI ŚPIEWAJĄ KOLĘDĘ NA MELODIĘ "GDY ŚLICZNA PANNA"
I. Piykno Paniynka synka piastowała,
Jak fest mu przala tak piykne śpiywała:
REF. Lili,lililaj mój mały syneczku,
Uśnij na sianku - twoim zogoweczku.
II. Woł i osiołek i graczki pluszowe,
Niych Ci się przyśniom jak sny kolorowe.
REF. Lili, lililaj...
III.Czy coś Cie boli, pieluchy mosz zlone?
Abo mosz w brzuszku coś nałonaczone?
REF. Lili, lililaj...
PASTERZ 2
Jakeś jasności w nocy rozbłysły, czy jo postradoł już może zmysly.
PASTERZ V
I jo choć guchy, śpiew uślyszołech i do stajynki tu prziybieżołech.
PASTERZ 1
Choć my som prości a jo już stary, weż od nos Jezy te oto dary.
Jo Ci Jezuniu, syra dom w darze.
PASTERZ 2
A jo Ci daja kluski na parze.
PASTERZ 3
Tu mosz odymnie kożuch barani, żebyś cieplutkie mioł poslanie i dom ci jeszcze
piyńć (5) koszuli, lecz co to widza???
Idzie trzech króli!!!
KOLĘDA "MĘDRCY ŚWIATA MONARCHOWIE" - wchodzą królowie
KRÓLOWIE
To my królowie za gwiazdom bieżemy i Tobie Jezu hołd oddajemy (przyklękają):
Weź od nas Jezy te oto dary:
- mirrę
- kadzidło
- i szczere złoto (kładą dary).
GOSPODARZE MÓWIĄ RAZEM
Choć my skromni gospodarze, tyż dajemy Ci coś w darze.
GOSPODYNI
Jo Ci upiykła strucla świyżutko.
GOPSPODARZ
A jo Ci daja czopka malutko.
GOSPODYNI
Jo Ci dom jeszcze ciepłe pieluszki, żeby Ci mama przykryła nóżki.
Do stajenki wchodzą dzieci, słychać kolędę "Jezus malusieńki"
DZ.1.
Prziychodzimy do stajenki, nasz Ty Jezu malusiyńki. Złota, srebra my niy momy
, nasze serca Ci dziś domy.
DZ.2
Jo Ci daja moja lalka.
DZ.3
Jo Ci dom talarka.
DZ.4
A jo żymła naszo ślonsko.
DZ.5
Jo zaś Ci daruja gonska.
DZ.6
A jo Ci dom dwa krupnioki.
WSZYSTKIE DZIECI
Bo my małe przedszkoloki.
LEKTOR
Zyczymy Wom, cobyście w te Świynta byli wyzgerni jak nowonarodzony Ponboczek w
Betlyjce. Niych w waszych chałpach bydzie takie rodzinne ciepło jak we Nowym
Roku. Zaś trzymejcie się zdrowo i niych wom żodne Hyrody ani inne pierony
szczyńścio niy zbulą. Lostońcie z Ponboczkiem!
Tego kożdyj poczciwyj rodzinie życzom dzieci.
Opracowanie: Aneta Rogaczewska
|